معكم بيان the founder ، ومع أني اليوم أكتب لكم وأنا في بداية العشرينات، إلا إن الحلم بدأ من عمر 19. أحب أجرّب منتجات العناية بالبشرة، وأدور على البراندات اللي دايمًا أشوفها في تيك توك ويوتيوب… بس للأسف، كثير منها ما كان يوصل عُمان بسهولة، أو إذا وصل كان يأخذ وقت طويل وأسعاره مبالغ فيها.

ومن هنا بدأت الفكرة:

ليش ما أسوي متجر يخلّي كل هالبراندات أقرب لنا؟

ليش ما يكون في مكان واحد نلقى فيه كل اللي نحتاجه للعناية بأنفسنا، بمنتجات موثوقة، توصلنا بسهولة، وبأسلوب يخلينا نحس إننا نهتم بأنفسنا بمتعة، مو تعب؟

وهكذا وُلد MeTime Club.

مكان مو بس لبيع منتجات العناية، بل مساحة تحفّز كل شخص ياخذ لحظته الخاصة—"me time"—ويحب نفسه أكثر، من الداخل والخارج.

بدأنا بخطوات بسيطة، ولكن بطموح كبير جدًا.

نطمح نكون الوجهة الأولى في الخليج، وخاصة عُمان، لكل اللي يحبون يهتمون ببشرتهم. ونطمح نكبر، وننافس، ونوصل للعالمية... ونكون أكبر من كل منافسينا، مش بس بالحجم، بل بالتجربة، بالخدمة، وبالقرب منكم.

أنا فخورة بكل خطوة مشيناها سوا، وفخورة بكل عميل وثق فينا من البداية.

وهذي مجرد البداية. 💫

شكرًا لأنكم جزء من قصة MeTime Club.

— بيان